Патрульдік полиция қызметкерлері аумақты бақылау жүргізу кезінде жол бойында көмек сұраған азаматтарды байқаған. Тез жақындап, жағдай сұрағанда жолаушының талмасы ұстағаны белгілі болған, деп хабарлайды Jambylinfo.kz

Денсаулығы сыр берген адам Бішкектен Дағыстанға бағыт алған 39 жастағы ресейлік азаматтың әкесі екен. Полиция қызметкерлері шұғыл түрде науқасқа алғашқы көмек көрсетіп, қалалық ауруханаға жеткізді.

 

- Қазақстандық сақшылардың адамгершілігіне риза болдым. Әкемді өлімнен арашалап қалдық. Алғысым шексіз, - деді Насир Балаев.