Жамбыл облысында тойға дайындалған қазы мен тойбастарды ұрлаған күдікті ұсталды, - деп хабарлайды Jambylinfo.kz

Меркі ауданында полиция қызметкерлері ұрлық жасаған күдіктіні анықтады.  Ер адам тұрғын үйлерге заңсыз кіріп, алтын әшекейлер, ноутбук және басқа да құнды заттарды қолды қылған.

Сондай-ақ басқа үйдің қоймасынан азық-түлік, соның ішінде қонаққа дайындалған қазы, тойбастар сыйлықтарын және өзге де заттарды алып кеткен.  

- Полиция қызметкерлерімен жүргізілген жедел іздестіру шаралары барысында бұрын сотталған 39 жастағы ер адам ұсталды.  Аталған дерек бойынша ҚР ҚК-нің Тұрғын-жайға заңсыз кірумен жасалған ұрлық бабымен сотқа дейінгі тергеу басталды. Күдікті уақытша ұстау изоляторына қамаққа алынды. Қазіргі таңда тергеу амалдары жүргізілуде,- делінген хабарламада.