Жамбыл облысы Майлы Қаратау жотасының маңында орналасқан полигонда 9 университет пен 1 колледж студенттері ес күн бойы білімдерін сынады. Айта кетейік, бұл полигон Сәтбаев Университетіне тиесілі, деп хабарлайды jambylinfo.kz.

Мұнда өткен республикалық универсиада қорытындысы бойынша Семей геологиялық барлау колледжінің командасы 1-орынды, Сәтбаев Университетінің командасы 2-орынды иеленсе, үздік үштікке Назарбаев университетінің студенттері енді.
  
«Универсиада бағдарламасы ғалымдар мен практиктердің жалпы және құрылымдық геология, кристаллография және минералогия, петрография, палеонтология, гидрогеология және геофизика бойынша лекциялары мен кеңестерін қамтыды. Студенттер шатырларда түнеп,  күндіз нағыз геологтарға лайық, жоспарланған маршруттар бойынша жорыққа шығып, бір-бірімен жарысты, минералды тастар мен пайдалы қазбаларды зерттеді», - деп хабарлады Ғылым және жоғары білім министрлігінің баспасөз қызметі.