дүйсенбі, 22 сәуір, 2024 8:27

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Жамбыл облысының білім басқармасына жаңа басшы тағайындалды

Жамбыл облысының білім басқармасына жаңа басшы тағайындалды
Рауан Садырқұлов. Сурет Жамбыл облысы әкімдігінің ресми сайтынан алынды
Рауан Садырқұлов Жамбыл облысы әкімдігінің білім басқармасы басшысы болып тағайындалды деп хабарлайды Jambylinfo.kz облыс әкімдігінің баспасөз қызметіне сілтеме жасай отырып.

Ол 1980 жылы Жамбыл облысы, Тараз қаласында туған. Еңбек жолын 2001 жылы Жамбыл облысы, Т. Рысқұлов ауданы, Луговой ауылы М. Горький атындағы орта мектебінің мұғалімі болып бастаған.

Әр жылдары М.Х. Дулати атындағы Тараз мемлекеттік университетінің оқу-әдістемелік бөлімінің тәжірибе меңгерушісі,  Білім және ғылым министрлігінің Білім және ғылым саласындағы Бақылау комитетінің білім саласындағы бақылау басқармасының бас сарапшысы, 2016-2020 жылдары ҚХР Бейжің қаласы Бейжің педагогикалық университеті профессорының ассистенті, Қазақстан Республикасы Президенті жанындағы Мемлекеттік басқару академиясында қолданбалы зерттеулер және халықаралық әріптестік орталығының бас сарапшысы, 2020-2021 жылдары Ш.Есенов атындағы Каспий технологиялар және инжиниринг университетінің Білім беру мектебінің деканы болып жұмыс істеген.  

Айта кетейік, ол 2021 жылғы қазан айынан бастап бүгінгі күнге дейін «Қазақстан Республикасы Президентінің жанындағы Мемлекеттік басқару академиясы» республикалық мемлекеттік қазыналық кәсіпорнының Жамбыл облысы бойынша филиалының директоры қызметін атқарған

Диана Орынбасар
Автор

Диана Орынбасар

jambylinfo.kz сайтының авторы

Ұқсас жаңалықтар