Бүгін, 17 сәуір күні сәуір күні  Қордай ауданы, Арал ауылынан Жамбыл ауылына бағыт алған оқушыларды тасымалдайтын автобус апатқа ұшырады, деп хабарлайды jambylinfo.kz 

Қордай ауданы Жамбыл ауылындағы №26 орта мектебінде оқитын 2-ші ауысымның 8 оқушысын Арал ауылынан Жамбыл ауылына апара жатқан автобус апатқа ұшыраған. Балаларды тасыған көлік қарсы бағытта келе жатқан жеңіл көлікпен соқтығысқан.

"8 бала ауруханаға түсті. 1 баланың жағдайы ауыр, жансақтау бөліміне түскен, 2 оқушы ем алып жатыр. Қалған балалар үйлеріне қайтарылды. Балалар 2-4 сыныптың оқушылары. Арал ауылында орыс сыныптары болмауына байланысты Жамбыл ауылындағы мектепке тасымалданады. Тергеу жүріп жатыр",- деп хабарлады облыстық денсаулық сақтау басқармасының баспасөз қызметі.

 Арал ауылынан 47 бала көрші ауылға қатынап оқиды.

"Жалпы Арал ауылынан 47 бала көршілес Жамбыл ауылына тасымалданып келеді. Олар Жамбыл ауылындағы №26 орта мектебінде оқиды. 2024 жылдың 1 сәуірінен бастап оқушыларды жеке кәсіпкер Бекен Абдыгалиев тасымалдайды, - делінген хабарламада.