Жамбыл облысында жайылымнан жылқы ұрлап, оларды сойып сатқан қылмыстық топ анықталды, деп хабарлайды jambylinfo.kz.

Жамбыл облысы полиция қызметкерлері "Мал ұрысы" жедел-профилактикалық іс-шарасын жүргізу барысында қылмыстық топтың іс-әрекеттерін әшкереледі. Олардың алдын ала жоспар құрып Байзақ, Жамбыл аудандарының аумағындағы  жайылымдардан бірнеше рет жылқы ұрлағандары анықталды. Қылмыстық топ ұрланған малды сойып, сатып отыр. 

«Ұсталған азаматтар уақытша ұстау изоляторына қамаққа алынды. Сондай-ақ, олардың бұдан басқа 4  мал ұрлау дерегіне қатысы бар екені және ұрланған 5 жылқы малын сойып сатқандары анықталды. Қазіргі таңда аталған дерекке қатысты сотқа дейінгі тергеу амалдары жүріп жатыр»- деп хабарлады облыстық полиция департаментінің баспасөз қызметі.