Қазақстан тарихында тұңғыш рет паралимпиада чемпионы Зульфия Габидуллина Токиода өтіп жатқан Паралимпиада - 2020 ойындарында еркін стильде (S4) 50 метрге жүзуден жарыстардың финалына шықты. Қазақстандық спортшы қашықтықты 44,57 секундта бағындырып, жүзуде төртінші орынға табан тіреді. Бұл нәтиже оған финалистердің қатарына кіруге мүмкіндік берді. Финал бүгін, 2 қыркүйек, Нұр-сұлтан уақытымен 16:38-де өтеді. Еске сала кетейік, Ғабидуллина Паралимпиада - 2016 және Паразиадалық ойындар-2018 ойындарында еркін стильде жүз метрдей алтын жеңіп алған болатын. Айта кетейік, қазақстандық Бейбарыс Сыпатай Паралимпиада-2020-да 200 метр (KL2) қашықтықта байдарокшылар жарысының жартылай финалына өтті. Жарыста ол алтыдан төртінші орынға ие болды және 1/2 финалға жолдама алды. 3 қыркүйекте күні Бейбарыс Сыпатай жартылай финалда өнер көрсететін болады. Еске сала кетейік, кеше, 1 қыркүйек күні жүзуші Нұрдәулет Жұмағали Паралимпиада-2020-да қола жүлдені жеңіп алған болатын. Бұл медаль Паралимпиада ойындарында Қазақстан үшін бесінші медаль болды. Бұған дейін Алтынды Давид Дегтярев (пауэрлифтинг) жеңіп алса, дзюдошылар Әнуар Сариев, Теміржан Дәулет және Зарина Байбатина екінші орынға ие болды.