жексенбі, 26 мамыр, 2024 13:15

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

"212 миллион теңге": Бағлан Әбдірайымов киносына кеткен шығынды жариялады

"212 миллион теңге": Бағлан Әбдірайымов киносына кеткен шығынды жариялады
Сурет:ашық дереккөзден алынды
“Жігіттер” тобының әншісі, актер Бағлан Әбдірайымов көрерменге жол тартқан “Қарыз” фильміне кеткен шығынды “Өзіміз ғой” подкастында айтып берді.

Құмар ойынға тәуелді болған жігіттің бастан кешкен оқиғалары баяндалатын фильмнің айтар ойы бар, деп жазды jambylinfo kz stan.kz-ке сілтеме жасап. 

"Фильмді 20 млн теңгемен бастадық. Алға қойған жоспар да жоқ. "Жігітті намыс, қоянды қамыс өлтіреді" дегендей, тәуекелмен жасалды. Адам бір-ақ рет өмір сүреді. Дәм-тұзың таусылар шақта жастық шағыңда істемеген тәуекелің, "әттеген-айың" іште қалып кетеді екен. Ертең жанымды жеп қоймас үшін, қорқақ адамның рөлінде қалып кетпес үшін намыстанып, Аллаға жүз пайыз тәуекел етіп, кино түсіре бастадық. Фильмнің шығыны қазіргі таңда 212 млн теңгеге тоқтап тұр", – деді актер.


Сонымен қатар әнші екінші фильмге неліктен көп шығын жұмсалғанын түсіндірді.

"Ал фильмнің бірінші бөліміне 148 млн теңге кетті. Екінші фильмді түсіруге 20 млн теңге бар. Сценарий үш айдай жазылды. Фильм түсірілімі 38 күнге әрең сыйды. Әрбір отбасы көру керек. Күнделікті тұрмыста байқалмаған әйел мінезі қиындықта батырлық сипатқа ие болады. Отбасы шайқалып тұрғанда, әйелдің рөлі қандай? Қыздың жаны нәзік болғанымен, әкесін қорықпай кез келген сәтте құтқара алатынын көрсеткенбіз. Жауапсыз еркектің әрекеті тек отбасы емес, күллі әлемді ластайды. Түптің түбінде жалғыз қалатынын түсінген еркек не істеу керек? Жауабы – кинода”, – деді Бағлан Әбдірайымов.

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар