Ақмола облысы Ақкөл ауданына қарасты ауылдардың бірінде өртенген жер үйден ер адамның мәйіті табылды, деп хабарлайды jambylinfo.kz.

Төтенше жағдайлар министрлігінің мәліметіне сүйенсек, өрттің себебі әзірге белгісіз. Өрт бүгін таңертең болған.

«Ақкөл ауданының Еңбек ауылында жеке тұрғын үйде 65 шаршы метр алаңда өрт орын алды. Сағат 08.18-де өрт сөндірілді. Үйіндіні бөлшектеу барысында өрт орнынан 1966 жылы туған азаматтың денесі табылды», - деп хабарлады ТЖМ.

Естеріңізге сала кетейік, кеше, 18 ақпан күні Астанадағы көп қабатты тұрғын үйлердің біріндегі пәтерден өрт шығып, бір әйел қаза тапқан болатын.