Бұл туралы Ғылым және жоғары білім министрлігінің баспасөз қызметі мәлімдеді, деп хабарлайды Jambylinfo.kz

Ахмет Ясауи университетінің ғалымдары кампус аумағында 30 кВт қуатқа ие күн электр станциясын іске қосты. Бұл бастама жасыл энергетиканы дамыту және тұрақты даму мақсатында жүзеге асырылған.

Станция «Күн энергетикасы саласында STEM жобаларды іске асыру негізінде студенттердің зерттеушілік және инженерлік іс-әрекеттерін дамыту» атты гранттық жоба аясында салынған.

Жаңа станция университеттің энергетикалық тиімділігін арттырумен қатар, студенттердің зерттеу және инженерлік дағдыларын жетілдіруге зор мүмкіндік береді.