Қазақстанның "Air Astana" мен "FlyArystan" компанияларының үш ұшағы ауа-райының қолайсыздығына байланысты Алматыға қона алмады. Оқиға сәрсенбі, 9 маусым күні болған. "Air Astana" мен "FlyArystan" компанияларының үш ұшағы Алматыдағы ауа-райының қолайсыздығына байланысты басқа аэродромдарға қонуға мәжбүр болған. Әуе компаниясының хабарлауынша, Алматыдағы желдің қайшылығы ұшақтың жерге қонуына кедергі келтірген. Нәтижесінде "Air Astana" KS 952 Нұр-Сұлтан – Алматы рейсі Шымкентке, FlyArystan KS 7134 Павлодар – Алматы рейсі Нұр-Сұлтанға, FlyArystan KS 7152 Семей – Алматы рейсі Бішкекке қонды. Соңғы ақпаратқа сәйкес, үш рейс те Алматыға жетті.