Алматы облысында 25 шілдеде жоғалып кеткен EC-145 әскери тікұшағының экипаж мүшелерінің туыстары Қазақстан Президенті Қасым-Жомарт Тоқаевқа, Қорғаныс министріне және Төтенше жағдайлар министріне бейнеүндеу жолдады.
Олар іздестіру жұмыстарын жеке бақылауға алуды сұрап отыр, деп хабарлайды Jambylinfo.kz.
«Бұл жағдайға бейжай қарамауыңызды сұраймыз. Экипаж мүшелерін шаңырақтарында отбасылары күтіп отыр. Олар аман-есен табылады деген үміттеміз. Алғашқы тәуліктегі іздеу шаралары нәтижесіз болды. Ал нақты жұмыстар тек келесі күні, Сорбұлақ көлі маңында басталды», – делінген үндеуде.
Жоғалғандардың туыстары олардың тірі екеніне сеніп, көмек күтіп отырғанына үміт артады.
Сондай-ақ үндеуде отбасы мүшелері іздеу жұмыстарына өз күштерімен де кірісіп жатқанын, оған достар, туыстар мен еріктілер тартылғанын атап өткен.
Алдыңғы мақала
Ұқсас жаңалықтар
