дүйсенбі, 22 сәуір, 2024 9:03

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Алматы облысында топырақ көшкінінен 2 үйге зақым келді

Алматы облысында топырақ көшкінінен 2 үйге зақым келді
Сурет дереккөзі: Almaty.tv
Талғар ауданының Бесағаш ауылында "Бурабай" коттедж қалашығында ауа райының тұрақсыздығына байланысты таудың баурайынан екі жеке тұрғын үйдің аумағына топырақтың көшкіні болды, деп хабарлады Алматы облысы ТЖД баспасөз қызметі.

Ведомство мәліметінше, 23 наурызда сағат 00:20-да Алматы облысы ТЖД кезекші бөліміне Талғар ауданының Бесағаш ауылында "Бурабай" коттедж қалашығында жаңбыр мен қарлы жауын-шашын жауыы салдарынан топырақтың батпақтанып, тау баурайынан екі жеке тұрғын үйдің аумағына топырақтың құлағаны туралы хабарлама келіп түсті.

Топырақ аяқталмаған қорғаныс қоршауының шетінен өтіп кеткен (биіктігі 4 м бетон тіреу қабырғасы). Құлаған топырақ салдарынан үйдегі терезе сынған, сонымен қатар жеке тұрғын үйдің аумағындағы уақытша тұрған құрылысқа (үй шаруашылығына) ішінара зақым келтірді. 

"Түскен топырақтың болжамды көлемі - 500 текше метр. Құрбандар мен зардап шеккендер жоқ. Екі үйде 9 адам тұрады. Оқиға орнында ТЖ бөлімінің және жергілікті атқарушы органдардың қызметкерлері екі көшені аралау жұмыстарын ұйымдастырды. Тұрғындарды қауіпсіз жерге эвакуациялау жұмыстары жүргізілуде. Бұған дейін Қазселденқорғау қызметкерлері ескерту хабарламасын берген болатын" , - делінген хабарламада.

Оқиға орнына Алматы облысы ТЖД 15 қызметкері мен 4 техникасы, ТЖМ "Қазселденқорғау" ММ 1 қызметкері мен 1 техникасы, жергілікті атқарушы органдардың 10 қызметкері мен 2 техникасы, 2 жедел жәрдем бригадасы жеткен.

Диана Орынбасар
Автор

Диана Орынбасар

jambylinfo.kz сайтының авторы

Ұқсас жаңалықтар