Биыл Алматыда 7 284 тұрғын баспанаға ие болады, - деп хабарлайды Jambylinfo.kz

Бұл қатарға жетім балалар, көпбалалы отбасылар және бюджет саласының қызметкерлері кіреді. Белгіленген 20% квота аясында тұрғын үй ең осал санаттағы азаматтарға беріледі.

Әкімдіктің мәліметінше, коммуналдық тұрғын үй қорының пәтерлері заңға сәйкес кезек тәртібімен үлестіріледі.

«Биылғы жоспарға сәйкес, 7 284 адам баспаналы болады. Олардың ішінде жетім балалар да бар. Заңға сәйкес, коммуналдық тұрғын үй қорының пәтерлері кезек тәртібімен бөлінеді», - деп мәлімдеді әкімдіктің баспасөз қызметі.

Салыстырмалы түрде айтсақ, өткен жылы 5 594 адамға баспана берілген.