Астанада жол қозғалысы ережелерін бұзғаны үшін 81 мопед коммуналдық айыптұраққа қойылды, - деп хабарлайды Jambylinfo.kz

5 сәуірден бастап мопед жүргізуге қатысты жаңа ережелер күшіне енді. Ал келесі күнінен бастап тәртіп сақшылары рейдтік шараларды қолға алған. 10 күн ішінде олар 356 ереже бұзушылықты анықтап, соның ішінде 81 мопед айыптұраққа жөнелтілген.

Тәртіп бұзғандардың бірі — 35 жастағы Harley Davidson мотоциклінің жүргізушісі. Оның көлігіне арнайы өзгертілген шығару жүйесі (выхлоп) орнатылған. Ер адамға 15 АЕК көлемінде, яғни 58 980 теңге айыппұл салынды.

Еске сала кетейік, 5 сәуірден бастап Қазақстанда тіркелмеген мопедтерді жүргізуге, сондай-ақ жүргізуші куәлігінсіз мопед айдауға тыйым салынған.