Жаңалықтар
Атырау облысындағы Теңіз кен орнында екі қызметкер күкіртсутектен уланды
- авторАрайлы Жақсылық
- 10 наурыз, 2025
- 271

Атырау облысындағы «Теңізшевройл» (ТШО) компаниясына тиесілі нысандардың бірінде күкіртсутегі бар газдың ағуы орын алды.
Соның салдарынан екі қызметкер улану белгілерімен ауруханаға жатқызылды, - деп хабарлайды Jambylinfo.kz Қазақстанның Мұнай-газ кеңесінің баспасөз қызметіне сілтеме жасап.
— 8 наурыз күні Теңіз кен орнындағы ГПЗ, КТЛ-2.3 (5-желілік нысанда) фланецті қосылыстан күкіртсутегі бар газдың ағуы орын алды. Алдын ала мәліметтер бойынша, ТШО-ның мердігер компаниясының екі қызметкері газдан уланып, алдымен клиникаға тексеруге жіберілді, кейіннен Атырау қаласындағы ауруханаға жеткізілді, — делінген хабарламада.
Қауіпсіздікке төнген қатерге байланысты нысанның барлық қызметкерлері дереу эвакуацияланды.
Апаттың салдары жойылғаннан кейін, құрылғылар тексерістен өтті, қызметкерлер өз жұмыс орындарына оралып, қондырғы қайта іске қосылды.
Ұқсас жаңалықтар
Жаңалықтар
30 наурызда бірнеше өңірде қолайсыз ауа райы күтіледі
- авторАрайлы Жақсылық
- 29 наурыз, 2025
Жаңалықтар
Қазақстан мен Өзбекстан президенттері «Медеу» спорт кешеніне барды
- авторАрайлы Жақсылық
- 29 наурыз, 2025