Қазақстанның бұрынғы президенті Нұрсұлтан Назарбаевтың қызы Дариға Назарбаева ұзақ уақыт үзілістен кейін ел алдында шықты, деп хабарлайды Jambylinfo.kz.

Бұл туралы журналист Сырым Итқұлов желідегі парақшасына жазған. 

«Дариға Назарбаева ел алдына шықты. Ол Алматыда Айсұлтан Назарбаевты еске алуға арналған футболдан балалар турниріне қатысып жатыр», - деп жазды  журналист. 

Еске салайық, Айсұлтан Назарбаев  2020 жылы Лондонда жұмбақ жағдайда көз жұмды. Ол футболшы болған. Тіпті бір жылдары Қазақстан футбол федерациясында лауазымды қызмет атқарған.