Бұл туралы Ауыл шаруашылығы министрлігінің баспасөз қызметі мәлімдеді, деп хабарлайды Jambylinfo.kz

Қазақстанның ауыл шаруашылығы вице-министрі Аманғали Бердалин Грузияға сапарында, екі елдің аграрлық саласындағы ынтымақтастық мәселелерін талқылады. 2024 жылы Қазақстан мен Грузия арасындағы сауда 65,4 млн долларды құрады, оның ішінде экспорт 28,2%-ға өскен.

Бердалин қазақстандық бизнестің Грузияға астық, ұн, майлар, ет, сүт, бал, кондитерлік өнімдер экспорттау қызығушылығын атап өтті. Сонымен қатар, ірі қара малға ветеринариялық сертификаттар рәсімделіп, сауда ынтымақтастығын дамытуға жол ашылды.

Қазақстан АӨК цифрландыру мәселесіне ерекше назар аударып, Грузияның цифрлық тәжірибесі маңызды екенін атап өтті. Сонымен қатар, ФАО-ға Қазақстандағы «Бірыңғай денсаулық» жобасы аясында қолдау көрсеткені үшін алғыс білдірді.

Қазақстан мен Грузия арасындағы ынтымақтастық мал шаруашылығы, өсімдік шаруашылығы және ветеринария салаларында тереңдей түсті.