Қазақстанда 15 мың оқушы папиллома вирусына қарсы екпенің екінші дозасын алды, - деп хабарлайды Jambylinfo.kz

Денсаулық сақтау министрлігінің мәліметтері бойынша, елімізде 11-13 жас аралығындағы 132 мыңнан астам қыз бала адам папилломасы вирусына (АПВ) қарсы ұлттық вакцинациялау бағдарламасына қатысқан.

Олардың 15 мыңнан астамы вакцинаның екінші дозасын қабылдады. 

Вакцинация барысында ешқандай кері әсерлер тіркелмеген. АПВ вирусының онкогендік 16 және 18 түрлері жатыр мойны обырының ең қауіпті түрлеріне жатқызылған, бұл екпенің маңыздылығын тағы бір рет айқындайды.