Көлік министрі Марат Қарабаев Сенат қабырғасында журналистердің сұрағына жауап бере отырып, ақылы жолдардың тарифі қымбаттайтынын мәлімдеді, деп хабарлайды Jambylinfo.kz. 
 
«Иә, біз тарифті ұлғайтуды жоспарлап отырмыз. Өйткені ақылы жолдардың бағасы 2013 жылдан бері өзгермеген. Сосын біздің тарифті басқа елдермен салыстырсақ, мысалы Қазақстанда 1 теңге 20 тиын болса, Ресейде теңгемен есептегенде –  7 теңге. Жол сапалы болуы үшін оны күтіп ұстау қажет. Ал  сіздер салық төлеушілердің есебінен емес, «ҚазАвтоЖол» бюджетінен күтіп ұстағанын қалайсыздар. Сол себепті жалғыз жол – ақылы жолдардың тарифін көтеру», дейді Қарабаев сенат кулуарында. 

Дегениен, көлік министрі Қазақстандағы ақылы жолдардың тарифі қатты қымбаттамайтынына сендірді. 

«Кейбір адамдар екі-үш есеге өсіру туралы ұсыныс жасап жатыр. Ашығын айтайын, тариф екі-үш есеге ұлғаймайды, бірақ белгілі бір пайыз қосылады», деді ол. 

Айтуынша, ақылы жолдардың тарифі жұртшылықпен талқыланады. Талқылау наурыз айынан басталады деп жоспарлануда.