Синоптиктердің болжауынша, алдағы күндері атмосфералық ағындардың өтуіне байланысты еліміздің солтүстік бөлігінде қар жауады, оңтүстік өңірлерде жауын-шашын түсуі ықтимал, деп хабарлайды Jambylinfo.kz 

30 қараша, 1 желтоқсанда оңтүстікте және оңтүстік-шығыста, таулы аймақтарда қатты қар аралас жаңбыр жауады және көктайғақ болуы ықтимал.

Солтүстік және орталық өңірлерде тұман, қар жаууы мүмкін, температура -5°C-қа дейін төмендейді. Астанада күн суытып, бұлтты болады. Жылдамдығы 5-10 м/с жел соғып, ауа температурасы түнде -8…-10°С, күндіз -2…-4°С аралығында сақталады.

Қостанай және Петропавлда жел екпіні күшті болады (9-20 м/с). Температура -1°С-тан -3°С-қа дейін төмендеп, кей жерлерде қар жаууы ықтимал.

Шымкент, Жамбыл, Қызылордада күн ашық болады. Түнде температура -1…-3°С, күндіз +11…+13°С. 3-8 м/с жылдамдықта жел соғады.

Батыс өңірлерде күн суытады. Ауа температурасы түнде -1°С, күндіз +2°С-қа дейін өзгереді. Жексенбі күні қар аралас жаңбыр жауады деген болжам бар.

Еліміздің шығысында тұман түсіп, қар аралас жаңбыр жауып, температура -1°С-тан -3°С-қа дейін өзгереді. Желдің жылдамдығы 5-10 м/с болады.