Бүгін Сауда жән интеграция министрлігі петиция бойынша қоғамдық тыңдауларды өткізді, деп хабарлайды Jambylinfo.kz.Ulysmedia.kz.-ке сілтеме жасап.

Бірыңғай уақыт белдеуін жою жөніндегі өтінішті Сауда және интеграция министрлігі қабылдамады. Министрліктің өкілдері өтініш беруші мен жұмыс тобы мүшелерінің аргументін дәйексіз деп тапты.

– Өтініш берушілердің денсаулыққа немесе тұтынуға әсер еткені жөнінде дәйектері расталмады. Сондықтан мен қазір әкімшіліктің алдын-ала шешімін айтамын. Петицияны қанағаттандырудан бас тартылады, - деді вице-министр Қайрат Балықбаев.

Денсаулық сақтау бірінші вице-министрі Тимур Сұлтанғазиев те мұның алдында ведомствоның позициясын білдірген еді.