Елімізде кей республикалық автожолдарда көлік қозғалысына шектеу енгізіледі. Оған ауа райының қолайсыздығы себеп, деп хабарлайды Jambylinfo.kz  ҚазАвтоЖол-ға сілтеме жасап.

"ҚазАвтоЖол" АҚ мәліметінше, 14 қаңтар сағат 16:00-де ауа райының нашарлауына байланысты келесі республикалық автожолдарда жүк және қоғамдық көлік түрлерінің қозғалысына шектеу енгізіледі:

Ақтөбе облысы:

"РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы" автожолының 965-1240 шақырым аралығы (Қарабұтақ ауылы – Қызылорда облысы шекарасы).

Қызылорда облысы:

"РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы" автожолының 1240-1362 шақырым аралығындағы учаскесі (Ақтөбе облысы шекарасы – Арал қаласы).

Жолды 2026 жылғы 15 қаңтар сағат 00:00-де ашу жоспарланған.

Компания өкілдері көлік жүргізушілеріне 1403 байланыс орталығына хабарласып, тәулік бойы қосымша ақпарат алуға болатынын ескертті.

Бұған дейін 14 қаңтар сағат 13:00-де ауа райының бұзылуына байланысты республикалық маңызы бар Ақтөбе – Атырау – РФ шекарасы" автожолының 104-337 шақырым аралығы (Қандыағаш қаласынан Атырау облысының шекарасына дейін) және Ақтөбе облысының шекарасынан Сағыз елді мекеніне дейін) көлік қозғалысы шектелді.