Әлеуметтік желілерде Gorilla Drift Championship турнирінің негізін қалаушы әрі жетекшісі Артем Чекменевтің қазақ тілінде сөйлеуден дөрекі түрде бас тартқан бейнежазбасы тарады , деп хабарлайды  Jambylinfo.kz
Бейнежазбадан адамдар арасындағы даудың неден басталғанын аңғару қиын. Бірақ Чекменевтің қазақша сөйлегісі келмейтінін қатқыл дауыспен айтқаны айқын аңғарылып тұр. 

–     Сен мен түсінетін тілде сөйле, әйтпесе менімен мүлде сөйлес пе, ұқтың ба? "Ей" деп әйеліңе қарата сөйле. Сен орыс тілін түсінбейсің ғой, братан?, – дейді ол.

Артем Чекменев жайлы желіде ақпарат кемде-кем. Ашық деректерде оның шыққан жері, өскен ортасы жайлы нақты мәлімет жоқ. 
Бейнежазба әлеуметтік желілерде әжептәуір дау туғызып, көптің ашуын келтірді. 
-    «Әбден құтырды ғой, орнына қоятын намысты жігіттер қайда?», «Мына шовинисті бірден түрмеге қамау керек», «Тауып алып, жазасын беру керек», «Шаңыраққа қарамай ма?, бізге мұның кешірім сұрағаны кереку емес»,- дейді желі қолданушылары.