Бұл туралы Әділет министрлігі мәлімдеді, - деп хабарлайды Jambylinfo.kz

«Осы жылдың 14 ақпанында Астана қаласының мамандандырылған ауданаралық экономикалық сотына жоғарыда аталған ұйымның мемлекеттік тіркеуін жарамсыз деп танып, мәжбүрлеп таратуды көздейтін талап-арыз берілді. Сот талабын беруге Қаржылық мониторинг агенттігінің "Biz Birgemiz Qazaqstan 2030" қоғамдық бірлестігін тіркеуді жою рәсіміне бастамашылық жасау туралы хаты негіз болды. Себебі бірлестік құру кезінде жойылмайтын сипаттағы, яғни сот шешімі бойынша заңды тұлғаны таратуға негіз болатын заңнамалық бұзушылықтарға жол берілген», - делінген министрлік хабарламасында.

Агенттік аталған ұйымды құру кезінде заңбұзушылықтарға жол берілгенін және оларды түзету мүмкін емес екенін алға тартып, оны сот шешімімен тарату қажет деп тапты.