Бұл туралы Париж Олимпиадасының чемпионы, «Барыс» орденінің иегері Елдос Сметов Qazaqstan телеарнасына берген сұхбатында айтты, – деп хабарлайды Jambylinfo.kz.

«Тарихи жеңісімнің артында үлкен еңбек пен күш-жігер жатыр. Басымнан өткен қиындықтар туралы көп адам біле бермейді. Сондықтан артымнан ерген жас спортшыларға мотивация болатындай фильм түсіру ойда жүр», - дейді ол. 

Айта кетейік, Олимпиада чемпионы бірнеше күн бұрын Ақордада Президентпен кездесуден соң желідегі парақшасында 2028 жылы Лос-Анжелесте өтетін Олимпиадаға баратынын мәлімдеген болатын.