13-14 ақпан күндері Үлкен және Кіші Алматы өзендерінің бассейіндерінде қар көшкіні жүруі мүмкін.  Бұл туралы ҚР Төтенше жағдайлар министрлігінің баспасөз қызметі мәлім етті, деп хабарлайды jambylinfo.kz

«13-14 ақпан аралығында «Алматы қаласы–Космостанция» автожолындағы «Аюсай» бөгетінен жоғары және «Шымбұлақ — Мыңжылқы бөгеті» автожолындағы «Эдельвейс» көшкін жинау ауданында автокөліктердің, халықтың және демалушылардың кіруін шектейтін блок бекеттер қойылды», - деп ескертеді ТЖМ.

Құтқарушылар осы аралықта тауға барып, қарлы бөктерлеріне шықпаған абзал екенін ескертеді.