Астанадағы QazExpoCongress павильондарын "Инновациялық технологиялар паркі" автономды кластерлік қорының басқаруына беру жоспарланып отыр, - деп хабарлайды Jambylinfo.kz

Депутаттың айтуынша, бүгінде Astana Hub өзін-өзі қаржыландыра алатын технопарк болғанына қарамастан, жеке ғимараты жоқ. Осы себепті мемлекеттік бюджеттен жыл сайын 1,5 млрд теңге бөлініп, QazExpoCongress кешеніндегі кеңселерді жалдауға жұмсалып келеді. Осы қаржыны IT-білім мен өңірлік бастамаларды дамытуға бағыттау ұсынылып отыр.

Қазіргі уақытта QazExpoCongress ұлттық компаниясының иелігінде 25 гектар аумақ, 530 мың шаршы метр ғимараттар кешені және 180 мың шаршы метр кеңсе орындары бар. Astana Hub-қа қажетті нысандарды беру мәселесі Цифрлық даму және Сауда министрліктері арасында талқыланып жатыр.

Astana Hub бүгінде халықаралық деңгейде мойындалған технологиялық парк мәртебесіне ие.