Германияда құпия жағдайда, бірақ, адам қолынан қаза тапқан экс-судья Айгүл Сайлыбаева Қазақстанда жерленетін болды, деп хабарлайды jambylinfo.kz КТК телеарнасына сілтеме жасай отырып.

Қазір оның ағасы Қанат Сайлыбаев тиісті рәсімдерді өтіп жатыр.

«Қанат Сайлыбаевтың айтуынша, сүйегін әкелсе, туыстары жұма немесе сенбіде Айгүлдің жаназасын өткізіп, жерлемек. Еске салайық, бұрын Астанадағы Сарыарқа аудандық сотында судья болып қызмет еткен 40 жастағы қазақстандық әйел 4 маусым күні Бенсхайм қаласында жоғалып кетіп, мәйіті 12 күннен кейін ғана қала шетіндегі көл жағасынан табылған. Неміс тергеушілері марқұмның беті, мойны мен қолында пышақ жарақаты бар екенін айтты. Бұл іс бойынша әлі күнге дейін күдікті жоқ. Айгүлмен бір уақытта оның енесі де жоғалып кеткен. Ол әлі табылмады», - деп хабарлайды телеарна.