Тель-Авивтің оңтүстігіндегі Бат-Ям қаласында үш автобуста жарылыс болды. Сонымен қатар, тағы екі автобуста жарылғыш құрылғылар табылғанымен, іске қосылмаған, - деп хабарлайды Jambylinfo.kz

Израиль полициясы жарылыстардың автобустарға орнатылған құрылғылар арқылы жасалған болуы мүмкін екенін мәлімдеді. Қазіргі уақытта зардап шеккендер туралы ақпарат жоқ.

Израиль билігі бұл оқиғаны террорлық шабуыл деп бағалап, ел аумағында қосымша қауіпсіздік шараларын енгізді.

Қауіпсіздік мақсатында елдегі барлық автобус пен пойыз қозғалысы уақытша тоқтатылды.