“МӘМС-тен мәніс кетті”: Білікті дәрігерлер елден кетіп жатыр
- авторjambylinfo.kz
- 5 ақпан, 2025
- 483

МӘМС қарапайым халық үшін тиімді болмай тұр. Бұл туралы белгілі медицина сарапшысы Ғабит Нұрханов "Түскі формат" хабарында баяндады,- деп хабарлайды Jambylinfo.kz.
Айтуынша аталған жүйе әу баста науқастардың сырқатына шипа іздеу үшін ыңғайлы боп, медицинаға қолжетімділікті арттырады деп күтілгенімен, жағдай түзеле қоймаған. Дәрігерлердің де жалақысында өзгеріс жоқ.
- Қазақстанда МӘМС жүйесі енгізілгеннен кейін дәрігерлердің жалақысы көтеріледі, - деп күткен едік. Бірақ жағдай әлі өзгермеді. Келешекте де нәтиже болмайды! Дәрігерлердің табысы төмендеп, медициналық қызметтің сапасы нашарлады. Үкімет бөлген қаржы артса да, бұл ақшаның көп бөлігі дұрыс жұмсалмайды,- дейді сарапшы.
Сонымен қатар ол: "Сыйақылардың қысқаруы мен қаржының жетіспеушілігі медицина саласына кері әсерін тигізді. Осыған байланысты көптеген білікті мамандар шетел асуда. Қазіргі МӘМС жүйесі тиімсіз, нәтижесінде халықтың ақшасы далаға кетіп жатыр", - деді.
Еске сала кетейік, МӘМС (Міндетті әлеуметтік медициналық сақтандыру) жүйесі 2020 жылдың 1 қаңтарынан бастап іске қосылған. МӘМС үшін жұмыс берушілер қызметкерлерге жалақы есебінен 3 пайыз төлейді.
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз