Маңғыстау облысында жұрттың көзінше жұбайын пышақтап тастаған ер адамды ұстауға қатысқан құқық қорғау органдарына қатысты қызметтік тергеу жүргізіледі деп хабарлайды Jambylinfo. kz. lada.kz-ке сілтеме жасап. 

Маңғыстау облысы Полиция департаментінің мәліметінше, қазір ер адамды ұстаған полиция қызметкерлері арасында тексеріс жүргізіліп жатыр.

"Тексеру нәтижелері бойынша құқықтық баға беріледі. Тергеу мүддесі үшін басқа ақпарат жария етілмейді", - делінген ведомствоның хабарламасында. 

Еске салайық, бұған дейін Маңғыстау облысында ер адам жұрттың көзінше әйелін пышақтап жатқанда полиция қызметкерлері оған араша түспегенін жазған едік.