Жамбыл облысының Меркі ауданында жабайы қарасора жинау кезінде полицейлер 42 жастағы жергілікті тұрғынды ұстады, деп хабарлайды Jambylinfo.kz.

Жамбыл облысы полиция департаментінің мәліметінше, сот-химиялық сараптаманың қорытындысына сәйкес барлығы 39 келі 700 гр «кептірілген марихуана», 22 келі «кептірілмеген марихуана» (жалпы салмағы 61 келі 700 гр) тәркіленген.

Ұсталған адам өз кінәсін мойындап, уақытша ұстау изоляторына қамаққа алынды. Ол бұрын осындай қылмыстар жасағаны үшін сотты болған.                                 

- Күдікті түнде сағат 23:50-де ұсталды. Есірткі сатушылар түнде жұмыс істейді. Сол себепті, біз де тоқтаусыз режимде жұмыс істейміз. Әсіресе, қарасораның қаулап өсіп тұрған кезеңінде демалыс жоқ. Күдіктіге қатысты аса ірі мөлшерде есірткі заттарын заңсыз сақтағаны үшін сотқа дейінгі тергеу амалдары басталды, - дейді облыс ПД Есірткі қылмысына қарсы іс-қимыл басқармасының бастығы Әлім Бажықбаев. 

.