Бокстан Таиландтың Чиангмай қаласында өтіп жатқан Азия біріншілігінде Махмұд Сабырхан ширек финалға шықты, деп хабарлайды Jambylinfo.kz
 
54 кг салмақ дәрежесінде сынға түсіп жатқан Махмұд Сабырхан алғашқы жекпе-жегінде малайзиялық тайбэйлік Лай Ян-Линмен кездесіп, бірінші раудта қарсыласын үш мәрте нокдаунға түсіріп, жеңіске жетті.
 
 Енді Махмұд Сабырхан ширек финалда Шри-Ланка елінің боксшысы Жаянант Кумарамен кездеседі. Қос боксшы арасындағы ширек финалдық бәсеке 6 желтоқсанда өтеді.

Айта кетейік, бұл жекпе-жекте техникалық нокаутпен жеңіске жеткен Махмұд Сабырхан кемі қола жүлде алады.