Қазақстанда қарыз алушылардың құқықтарын қорғау үшін микроқаржылық омбудсмен институты іске қосылады, деп хабарлайды Jambylinfo.kz  aqshamnews.kz сілтеме жасап.

 Омбудсменнің негізгі міндеті – азаматтардың құқықтарын қорғау және микрокредиттерге байланысты дауларды, оның ішінде мерзімі өткен берешек мәселелері мен коллекторлық агенттіктермен қақтығыстарды сотқа дейін реттеуге жәрдемдесу.

 Омбудсменге тек микрокаржылық ұйымдардың (МҚҰ) клиенті болып табылатын жеке тұлғалар ғана жүгіне алады. Қызметтер тегін көрсетіледі.

 Омбудсмен тәуелсіз арбитр ретінде әрекет етіп, дауларды сотқа жүгінбей шешуге көмектеседі. Омбудсменнің шешімдері қарыз алушы оларды қабылдаған жағдайда МҚҰ үшін міндетті болады және 30 күн ішінде орындалуы тиіс.