Әйгерім Қалаубаева ел ішінде әріптесі Нұрлан Әлімжан екеуі жайында айтылып жүрген әңгімеге нүкте қойды, деп хабарлайды Jambylinfo.kz.

Кейінгі кезде үнемі бірге қол ұстасып жүретін жұлдыздар туралы ел ішінде алып- қашпа әңгіме көбейген еді. 

Осыған байланысты Әйгерім Қалаубаева желідегі парақшасына жазба жариялаған. 

"Рас емес! Нұрлан екеуміз сонау бала кезден бір-бірімізге еркелеп өскен достармыз. Жұмысымызға үлкен жауапкершілікпен қараймыз! Ешкімнің отбасы ойрандалған жоқ,шүкір! Бізді байланыстыратын – Өнер! Біз бір-біріміздің жеке шекарамызға мұрын сұқпаймыз. Әркім өз әлемінде бақытты", -деп жазды ол. 

Сондай-ақ өнер иесі жақындарына амандық тілеген. 

"О, Жаратқан ием! Елім, Ата-Анам, Ер Азаматым, Балаларым, Бауырларым ЖӘНЕ менің қымбатты инста әлемімдегі Достарым бағыма аман болсын!!!Әмин!"-деді әнші. 

Әйгерім Қалаубаева желідегі парақшасына әріптесі Нұрлан Әлімжан екеуінің "Рас па?” атты бейнебаянынан кадрдан тыс үзінді видеолар ұсынған.