Ақтау маңында болған ұшақ апатында қаза тапқан Гаухар Шәймерденова мен оның ұлын туыстары мен достары Астана қаласында соңғы сапарға шығарып салды, деп хабарлайды Jambylinfo.kz 

Шаймерденова мен оның 11 жастағы ұлы Жұмағат Эльдар апатқа ұшыраған Embraer 190 ұшағының бортында болған.

25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.

Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы.

29 адам жарақат алып, ауруханаға жатқызылды, олардың арасында екі бала бар. Апаттан аман қалғандар арасында қазақстандықтар жоқ.