Семинар барысында сотталған азаматтарға суицидтің алдын алу жөнінде дәріс оқылып, психопрофилактикалық тренингтер мен жеке әңгімелесулер өткізілді.

Психологтар атап өткендей, суицидтің алдын алуда психодиагностикалық жұмыстың профилактикалық маңызы зор. Өзін-өзі өлтіруге бейім тұлғалар жеке, топтық және отбасылық психотерапияға мұқтаж келеді. Мұндай жағдайлардың алдын алудағы негізгі факторлар мыналар болып табылады:

1. депрессиялық бұзылулармен байланысты психикалық аурулардың болмауы;

2. отбасындағы жылы әрі қолдаушы қарым-қатынас;

3. нақты немесе формальды ойлау деңгейіне жетпеген когнитивтік қызметтің сақталуы;

4. суицидке қарсы ойдың қалыптасуына ықпал ететін мәдени және рухани-діни факторлардың болуы;

5. депрессиялық және сезімтал күйден арылу үшін жеке психотерапия жүргізу.

Аталған шара сотталған азаматтардың психологиялық саулығын нығайтып, өмірлік ұстанымдарын қалыптастыруға бағытталды.

№58 мекемесінің

аға инспектор-психологы,

әділет аға лейтенанты

А.Е. Аташева