Әнші күндіз түні жергілікті халықпен бірге Жайық өзенінің бойындағы дамбыны күзетіп, су тасқынының алдын алу үшін қапшықпен құм төсеп жатыр. 

"Кеше түннен бері осындамыз. Жағдай өте қиын. Су дамбыдан асса, Орал қаласын, одан басқа қалаларға да жайылатын түрі бар. 2-3 күннен кейін жағдай бұдан да қиын болатын түрі бар. Жігіттер, табиғи апатпен бірге күресейік,-деді ол. 

Сонымен қатар, қызыл суымен алысып жатқан оралдықтар банк қосымшалары арқылы "Асар ме" қайырымдылық қорына ақша аударуды сұрады. 

Олар қайырымдылықтан түскен ақшаға арнайы киім-кешек, қайық, етік, қап және тағы да басқа заттар сатып алмақ.