Мемлекет басшысы Қасым-Жомарт Тоқаевтың тапсырмасына сәйкес, Жамбыл облысында республикалық «Таза Қазақстан» акциясы аясында «Таза аула. Таза өлке. Таза ел!» экологиялық науқаны бастау алған болатын. Ауқымды акцияның екінші аптасы «Киелі мекен» деген атаумен тарихи-мәдени ескерткіштердің аумағын абаттандыруға арналды,-деп хабарлайды Jambylinfo.kz
Соған орай бүгін “Жеңіс” саябағындағы Бауыржан Момышұлы ескерткішіне санитарлық тазалық жұмыстары жүргізілді. Шараға Тараз қаласы әкімінің орынбасары Қайрат Исмаил қатысып, белсенді және ерікті жастармен бірге саябаққа тал көшеттерін отырғызды.
Жалпы осы күні демалыс орнына 500 түп раушан гүлі, 30 туя мен 20 ясин ағашы егілді.
Республика көлемінде ұйымдастырылған ауқымды акцияның шеңберінде Тараз қаласында экологиялық іс-шаралар өткізілуде. Олардың әрқайсысы белгілі бір тақырыпқа арналған. Айшықты науқан алдағы уақытта да өз жалғасын табады.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Ұқсас жаңалықтар
