Ш.Уәлиханов атындағы Жамбыл облыстық әмбебап ғылыми кітапханасында «Жазушымен бір күн» жобасы аясында белгілі балалар жазушысы Сансызбай Сарғасқаевтың 100 жылдық мерейтойына арналған «Балалар әдебиетінің жарық жұлдызы» атты іс-шара өтті, деп хабарлайды Jambylinfo.kz.   

Қаламгер Сансызбай Сарғасқаевтың өмірі мен шығармашылық  жолын насихаттауға арналған жиынға жергілікті зиялы қауым өкілдері мен мектеп оқушылары қатысты.

Шарада жазушы, журналист, Қазақстан Жазушылар одағының және Қазақстан Журналистер одағының мүшесі Көсемәлі Сәттібайұлы қаламгер туралы естеліктерін әңгімелеп,  балаларға арнап жазылған кітаптарын талдап,  ой-пікірін ортаға салды.

Оқушылар өз кезегінде жазушы  Сансызбай Сарғасқаевтың шығармашылығы мен жеке өміріне қатысты қызықтырған сұрақтар қойып, жауаптарын алды.

Айта кетейік, Сансызбай Сарғасқаев  1925 жылы Жамбыл облысы,  Қордай ауданы,  Сұлутөр ауылында туған. Жазушының «Бір отрядта», «Сәуленің жаңа достары», «Достар», «Көңілді балалар», «Бір көшен ің балалары», « Биіктен биікке», «Тәмпіш танау» тағы да басқа шығармалары бар. Қаламгер 1995 жылы Алматыда дүние салған.