Тараз қаласында "Ұлы дала" шағын ауданында құрылысы жүріп жатқан үш қабатты жаңа мектептің ғимараты өртенді, деп хабарлайды Jambylinfo.kz.

Жамбыл облыстық Төтенше жағдайлар департаментінің баспасөз қызметінің хабарлауынша, өрт 80 шаршы метр аумақты шарпыған. Зардап шеккендер жоқ.

"Пайдаланылуға берілмеген мектептен 112 пультіне шақырту келіп түсті. Өрт сөндірушілер келген сәтте мектептің бірінші қабатынан қалың түтін шығып жатқан. Осы сәтте құрылысшылар өз бетінше сыртқа шыққан.  Өрттің алдын ала себебі - электр сымдарының қысқаша тұйықталуынан болуы мүмкін", - деп жазылған ведомствоның хабарламасында.