Тараздық блогер, "Барында бағала" кітабының авторы Зарина Бейсенбектің ұлы Даниял бүгін  мектепке кеткен. Алайда баланың  мұғалімі оның мектепке келмегенін айтқан деп хабарлайды Jambylinfo.kz.

Зарина Бейсенбектің айтуынша, ұлын атасы мектепке дейін шығарып салған. Алайда  Даниялдың сынып жетекшісі анасына хабарласып, оның сабаққа келмегенін айтқан.

«Ұлым қаладағы №8 мектеп-гимназиясында оқиды. Атасы сағат 13:10-да сабаққа апарып тастаған. Бірақ ол сабаққа кірмеген болуы мүмкін. Міне, бірнеше сағат өтті балам табылмай жатыр», -деген шарасыз ана қала тұрғындарынан баласын табуға көмектесуді өтінді.