Қасым-Жомарт Тоқаев Париждегі Паралимпиада ойындарында Пара дзюдодан 48 кг салмақ дәрежесінде алтын  медаль жеңіп алған Ақмарал Науатбек жеңісімен құттықтады, деп хабарлайды Jambylinfo.kz. 

– Ақмарал Науатбекті Паралимпиада ойындарында алтын медаль жеңіп алуымен құттықтаймын! Сіз ел мерейін асырып, спорт жанкүйерлеріне зор қуаныш сыйладыңыз. Қажырлы еңбек пен қайтпас қайсарлықтың арқасында ең мықты қарсыластарыңыздан басым түстіңіз. Жеңісті күндеріңіз көп болсын! – деп жазды Президент өзінің Х әлеуметтік желідегі парақшасында.

Еске, салайық, Ақмарал Науатбек  Паралимпиада ойындарының екінші алтынын қоржынға салып отыр. Бұған дейін пара пауэрлифтингтен 54 кг салмақ дәрежесінде сынға түскен Давид Дегтярев алтын медаль жеңіп алған еді. Әзірге Қазақстан құрамасының қоржынында 2 алтын, 1 күміс, 1 қола жүлде бар.