Туринде өтіп жатқан қысқы Универсиадада Қазақстан аралас шорт-трек эстафетасында қола жүлдегер атанды, деп хабарлайды Jambylinfo.kz 

Туриндегі қысқы Универсиадада 2000 метрге аралас эстафетада шорт-тректен Қазақстан құрамасы қола жүлдені жеңіп алды.

Қазақстан құрамасының атынан Алина Әжғалиева, Малика Ермек, Яна Хан, Валерий Клименко және Дінмұхамедалдияр Тәжібай қатысты.

Команда 2:44.815 уақытты көрсетіп, тартысты жарыста үшінші орынды алды.

Жарыста алтынды Оңтүстік Корея құрамасы алса, күміс Қытай елінің спортшыларына бұйырды.