Қытайлық вирусологтар жарқанаттан COVID-19-ға ұқсас, адамдарға жұқтыруға қабілетті жаңа  коронавирусты тіркеді, - деп хабарлайды Jambylinfo.kz

South China Morning Post газетінің хабарлауынша, бұл вирус алғаш рет Гонконгтағы жапон жарқанатынан анықталыпты. Гуанчжоу зертханасында Гуанчжоудағы Қытай ғылым академиясының ғалымдары, сондай-ақ Ухань университеті мен Ухань вирусология институтының мамандары бірлесіп вирусқа зерттеу жүргізді. 

Ғалымдар жарқанат вирусы адам жасушаларына тез жұғатынын анықтады. HKU5-CoV-2 деп аталатын вирус адам жасушаларын ACE2 ақуыздары арқылы зақымдайды. Бұл вирус HKU5 коронавирусының жаңа тегі.

Сондай-ақ, мамандар коронавирустың жаңа түрі адамға жарқанаттардан басқа да жануар арқылы берілуі мүмкін екендігін айтты.