Жамбыл облысы Қордай ауданының прокуратурасы мектепке дейінгі мекемеде жан басына шаққандағы қаржыландыруға бөлінген 45,2 миллион теңге көлеміндегі бюджет қаражатының жымқырылғанын анықтады, - деп хабарлайды Jambylinfo.kz

Екі жыл бойы балабақша басшылығы мектепке дейінгі ұйымға мүлде келмеген балалар үшін заңсыз түрде бюджет қаражатын алып отырған.

Аталған тергеп-тексеру Жамбыл облысы бойынша Сыбайлас жемқорлыққа қарсы іс-қимыл агенттігінің Департаментіне тапсырылған.

Қылмыстық-процестік кодекстің 201-бабына сәйкес, тергеу мүддесіне байланысты өзге ақпарат жария етуге жатпайды.