Шараға Жамбыл облысының әкімі Ербол Қарашөкеев арнайы қатысып, көпшілікті еліміздің ең басты құндылықтарының бірі – бірлік пен келісім мерекесімен құттықтады,- деп хабарлайды Jambylinfo.kz.

Өз сөзінде аймақ басшысы Қазақстан халқы Ассамблеясының елдегі бейбітшілік пен тұрақтылықты сақтаудағы маңызды рөлін атап өтті.

- Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының отыз төртінші (ХХХІV)сессиясында 30 жыл ішінде Ассамблея қоғамдағы тұрақтылық пен келісімді нығайтуға қосқан үлесіне жоғары баға берді.

Сондай-ақ, Ассамблеяның «Еліміздегі бірлік пен теңдіктің, тұрақтылық пен тыныштықтың символына айналғандығын» атап өтті.

Бірлік пен келісімнің арқасында біз тәуелсіз мемлекетті қалыптастырып, зор жетістіктерге жеттік.

Түрлі этнос өкілдері бір шаңырақ пенбір тудың астынан табылып, еңселі ел, іргелі мемлекетке айналдық.

Біздің бірлігіміз еліміздің түрлісаласындағы ауқымды жаңа белестерді бағындырып, жетістікке жетуге зор септігін тигізері анық.

Ынтымағы жарасқан Жамбыл жерінде мекен ететін                            87 этнос өкілі еліміздің тұрақтылығына атсалысып, өңірдің қай саласында болмасын елеулі еңбектің үлгісін көрсетуде. 

Президентіміз Ассамблея қоғамдық институттармен тығыз байланыста жұмыс істеп, еліміздің ішкі саясатын жүзеге асыруға белсенділігіне ерекше тоқталды.

Бұл ретте, мемлекет пен қоғам арасында сындарлы диалог орнатуға облысымыздағы 78 этномәденибірлестіктердің өз ықпалын тигізуде.

«Бірлік бар жерде – тірлік бар»демекші ынтымағы жарасқан елдің ғана болашағы жарқын болары сөзсіз,- деді аймақ басшысы.

Еске салсақ Мемлекет басшысы Қазақстан Халқы Ассамблеясының жуырда өткен сессиясында Жамбыл облысындағы көп ұлтты Қордай ауданында Достық үйін ашу туралв бастама көтерген болатын. Аймақ басшысы Президент бастамасы елге деген қамқорлықтын айқын көрінісі екенін атап өтті.

Сонымен қатар, өңір басшысы мерекеге орай түрлі салада қоғамдық келісім мен ұлтаралық татулықты нығайтуға сүбелі үлес қосып жүрген бірқатар азаматтарды «Қазақстан халқы Ассамблеясына – 30 жыл» медалімен марапаттады.

Іс-шара барысында өңірдегі этномәдени бірлестіктердің ұлттық тағамдар көрмесі ұйымдастырылып, қолөнер шеберлерінің туындылары көпшілік назарына ұсынылды. 
 

Сондай-ақ, әр ұлттың салт-дәстүрінен сыр шертетін сахналық қойылымдар көрсетіліп, концерттік бағдарлама жұртшылыққа мерекелік көңіл күй сыйлады.