жұма, 19 шілде, 2024 5:34

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Жамбылда жыл басынан бері 4 бала терезеден құлады

Жамбылда жыл басынан бері 4 бала терезеден құлады
Сурет: Ашық дереккөзден алынды
Бұл туралы Жамбыл облысының Полиция департаменті хабарлады

Жыл басынан бері облыс аумағында көппәтерлі үйлердің терезелерінен 4 бала құлаған, деп хабарлайды Jambylinfo.kz                                                                 
 Полицияның мәліметінше,  қауіпсіздік шараларын сақтамағандықтан, жанында отырса да ата-анасы дұрыс назар аудармағандықтан, 4 жасар бала төртінші қабаттың терезесінен құлап түскен.
Жазғы кезеңнің басталуымен жазатайым оқиғаларды болдырмау мақсатында полиция қызметкерлері мүдделі органдармен бірлесіп  5 мыңнан астам ауланы аралаған.  Полиция қызметкерлері  үйдің шатырлары мен жертөлелеріне балалардың еркін кіріп-шықпауын тексерген. 
Ата-аналар мен заңды өкілдерге балаларды ересектердің қарауынсыз ұзақ уақытқа қалдыруға жол бермеуге қатысты  төрт мыңнан астам жадынамалар таратылған.
Сонымен қатар, жыл басынан бері кәмелет жасына толмаған 4 бала  суға батып қаза тапқан.  Мысалы,  биыл 25 маусымда Тараз қаласында 17 жасар жасөспірім достарымен бірге  Талас өзеніне  шомылуға барып, суға  батып кетті. 
«Ата-аналарды қауіпсіздік ережелерді  сақтауға және балаларын  қараусыз қалдырмауға  шақырамын. Олардың  жақын орналасқан тоғандары бар жерлерге өз бетінше баруына  жол бермеңіздер.  Балалардың өмірі мен денсаулығын қорғау - әрбір ата-ананың басты міндеті, - деді Жамбыл облысы ПД Жергілікті полиция қызметі басқармасының ерекше тапсырмалар жөніндегі аға инспекторы полиция майоры Алишер Калышев.

Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар