Дональд Трамп 8 мамырды Екінші дүниежүзілік соғыстағы АҚШ-тың Жеңіс күні деп жариялады, - деп хабарлайды Jambylinfo.kz 

"Біздің көптеген одақтастарымыз бен достарымыз 8 мамырды Жеңіс күні ретінде атап өтеді. Бірақ біз бұл соғыста жеңіске жету үшін кез келген елден артық үлес қостық. Сондықтан мен 8 мамырды – Екінші дүниежүзілік соғыстағы Жеңіс күні, ал 11 қарашаны – Бірінші дүниежүзілік соғыстағы Жеңіс күні деп жариялаймын. Біз екі соғыста да жеңдік. Қуатымыз, батырлығымыз, әскери шеберлігіміз жағынан бізге тең келетін ел болмады. Бірақ біз бұл жеңістерді ешқашан лайықты түрде атап өткен емеспіз. Себебі қазіргі кезде оны дұрыс ұйымдастыра алатын басшылар жоқ. Біз енді жеңістерімізді қайтадан атап өте бастаймыз!" – деді Трамп.

Айта кетейік, 8 мамыр – Еуропа елдерінің көбінде нацизмге қарсы Жеңіс күні ретінде аталып өтеді. Ал 11 қараша – Бірінші дүниежүзілік соғыстың аяқталған күні ретінде белгілі.